२०८० साल कार्त्तिक १७ गते शुक्रबार राति ११:४७ गते जाजरकोट जिल्लाको बारेकोट-१ रामीडाँडा केन्द्र बिन्दु भई गएको ६.४ रेक्टर स्केलको विनाशकारी भूकम्पले प्रभावित जाजरकोट जिल्लाका नलगाड,भेरी तथा रुकुम पश्चिमका  आठबीसकोट, सानोभेरी, चौरजहारीका आसपासका क्षेत्रहरूमा धनजनको ठूलो क्षेति पुर्‍याएको छ।

भूकम्पबाट जाजरकोटमा ८४ जना र रुकुम (पश्चिम) मा ५२ जना गरि ) १३६ जनाको ज्यान गएको थियो । भुकम्प प्रभावित क्षेत्रका उद्धार, राहत र पुनःर्निमाणका लागि सुनार जाजरकोटमा रात दिन नभनी निरन्तर सक्रिय छन् ।

जनताको सेवा गर्दा गर्दै आफ्नो सह सचीवको परिक्षा समेत छुटाउनु भएको छ। आफ्नो फेसबुकमा लेख्नुहुन्छ :

“सहसचिवकाे लिखित परीक्षा हिजाे सम्म थियाे । हजाराै भुकम्प प्रभावित नागरिकबाट आएका प्रश्न र तिनका समस्या समाधान सहितकाे लामाे प्रश्नहरूकाे उत्तर दिदा दिदै सहसचिव परीक्षा छुटेछ । यिनै प्रश्नहरूकाे समाधानमा लागिरहेकाे छु , लागिरहनेछु । जन्मभुमिकै सेवामा छु । “

भूकम्प आएदेखि व्यक्तिगत जीवन पूरै प्रभावित छ । उद्दार, राहत र पुनस्र्थापनाभन्दा अरु कुरामा मैले सोच्न भ्याएको छैन । जनताको पीडामा मलम लगाउन १८ घन्टासम्म जनताको सेवामा आफूलाई समर्पित गराउँदै आएको छु । यहाँको अवस्था सम्हाल्न म आफ्नो तर्फबाट निरन्तर लागिरहेको छु ।

प्रारम्भिक अनुमानभन्दा निकै बढी क्षति जाजरकोटमा  भएको छ । ७० प्रतिशतभन्दा बढी घर ध्वस्त भएका छन् । २० देखि ३५ हजार घर ध्वस्त भएका छ्न ।जाजरकोटको अवस्था भयावह छ । आफन्तसँगै आफ्नो थातथलो गुमाएका अथाहमा छन् । जाजरकोटमा क्षति देख्दा मनै आत्तिन्छ । फेरि पनि सम्हालिएर जनताको सेवामा लागिरहेका छौं । सबैले हातमा हात र काँधमा काँध मिलाएर पहिलेकै अवस्थामा फर्काउन सक्छौँ भन्नेमा म विश्वस्त छु ।