जाजरकोट, रिन्टाकुरा – शारदा शेर स्मृति प्रतिष्ठान जाजरकोटका अध्यक्ष अर्जुन बहादुर अधिकारीले आफ्नो जन्मदिनको अवसरमा नेपाल राष्ट्रिय मावि, रिन्टाकुराका विपन्न, असाह्य, असक्त र जेहेन्दार विद्यार्थीहरूलाई सहयोग प्रदान गरेका छन्।

विशेष कार्यक्रमको आयोजना गर्दै, उनले विद्यालयका ५५ जना विद्यार्थीलाई कापीकलम, २ वटा भलिबल, र १ वटा जाली वितरण गरेका छन्। समाजसेवा र शिक्षा क्षेत्रमा अधिकारीको योगदानले विद्यार्थीहरूमा उत्साह बढाएको विद्यालयका शिक्षक तथा अभिभावकहरूले बताएका छन्।

कार्यक्रममा सहभागी एक विद्यार्थीले भने, “हामीजस्ता विपन्न विद्यार्थीहरूलाई यस्तो सहयोगले पढाइमा झनै प्रेरणा दिन्छ। अधिकारी सरप्रति हामी आभारी छौँ।”

अर्जुन बहादुर अधिकारीले यस अवसरमा भने, “समाजका विपन्न वर्गका विद्यार्थीहरूलाई शैक्षिक साधनको अभावमा पढाइमा अवरोध नहोस् भन्ने मेरो सधैं प्रयास रहन्छ। आगामी दिनमा पनि मेरो सहयोग निरन्तर रहनेछ।”

विद्यालयका प्रधानाध्यापकले अधिकारीको योगदानलाई उच्च सम्मान गर्दै भने, “यो सहयोगले विद्यालय र विद्यार्थीहरूको शैक्षिक उन्नतिमा ठूलो योगदान पुर्‍याउनेछ। हामी उहाँप्रति हार्दिक धन्यवाद व्यक्त गर्छौं।”

अर्जुन बहादुर अधिकारीको जन्मदिनको यो विशेष सहयोगात्मक कार्यक्रमले समाजसेवा र शिक्षाको क्षेत्रमा एउटा प्रेरणादायी उदाहरण प्रस्तुत गरेका छन।