नेकपा माओवादी केन्द्रका उपमहासचिव तथा पूर्व अर्थमन्त्री वर्षमान पुनले माओवादी सपनाको कारण जनता देशको मालिक बन्ने अवस्था सृजना भएको कुरा बताएका छन् । देशको मालिक जनता भएका छन् ।

हिजो राजालाई देशका मालिकका रुपमा भनिन्थ्यो  । हिन्दु धर्म अनुसार राजालाई विष्णुको अवतारका रुपमा लिइन्थ्यो । अहिले जनयुद्ध र जनआन्दोलनका कारण देशमा गणतन्त्र आएको छ र जनता नै देशको मालिक हुन् भन्ने मान्यता स्थापना भएको छ । रोल्पाको लुङ्ग्री गाउँपालिका–५ को नवनिर्मित भवन उद्घाटन गर्दै पुनले  गणतन्त्रमा पनि जनताले चाहेका सबै माग पुरा नभएको स्वीकार गरेका छ्न।

माओवादीले गाउँ–गाउँमा सिंहदरबारको नारा लगाएको थियो । अहिले संविधान अनुसार स्थानीय तहमा सरकार आएको छ । आफैंले आफैंलाई शासन गर्ने अवस्था सृजना भएको छ ।  जनताको अवस्था भने अझै सुधारिएको छैन । त्यसमा हामीले काम गर्नु पर्ने छ । विकासका हिसाबले पनि गणतन्त्र सही हो । तर जनताको चाहना अझै पूरा भएको छैन । यो व्यवस्थालाई अझै सुधार गर्नुपर्ने छ ।’